बुधबारे जेसीज वर्ष २०२४ का पदाधिकारीको पहिलो बोर्ड बैठक वर्ष २०२४ का अध्यक्ष जेसी दुर्योधन सिंह राजपुतको अध्यक्षतामा सम्पन्न भयो । बैठकले बुधबारे जेसीजले वर्ष २०२४ लाई सफलतापूर्वक सम्पन्न गर्नका लागि विभिन्न निणयहरु समेत गरेको छ ।
वर्ष २०२४ मा संचालन गरिने कार्यक्रमहरुको सुरुवात पाल्युल देछेन छोइलिङ्ग गुम्बा बुद्धशान्ति ४ मा शान्ति दिप प्रज्वलन, धर्म गुरुहरुलाई सम्मान गर्दै सुरुवात गर्ने साथै बुधबारे जेसीजको नाममा एक महिना सम्म दीप प्रज्वलन गर्न व्यवस्थापन गर्ने निर्णय गरेको छ ।
त्यस्तै बुधबारे जेसीजको आर्थिक कारोबारलाई थप पारदर्शी तथा मित्व्यायी बनाउनका लागि आर्थिक नियमावली बनाउने समेत निणय गरेको छ । सो नियमावली निमार्णका लागि जेसी सुरज दंगाल, जेसी राज पौडेल, जेसी सुजित बराल, जेसी कृष्ण ढकाल र जेसी अनिल घिमिरे सम्मेलित ५ सदस्य समिति समेत निर्माण गरेको छ ।
बुधबारे जेसीजलाई आर्थिक रुपमा सवल बनाउन एक सदस्य दैनिक एक रुपैयाँ बचत गरि एक दीर्घकालिन कोष निर्माण गर्ने समेत निर्णय भएको छ ।
बुधबारे जेसीजका कार्यक्रमहरुलाई प्रभावकारी बनाउनका लागि कार्यकारी उपाध्यक्ष तथा उपाध्यक्षहरुलाई जेसीज मान्यता अनुरुप क्षेत्रगत कार्य बिभाजन गरिएको छ ।
बुधबारे जेसीजले सदस्यता विस्तारका लागि नयाँ सदस्यता आवहान र पुराना सदस्यहरुलाई नविकरणका लागि आवहान गर्ने निर्णय गरेको छ । नयाँ सदस्यताको दरखास्त तथा नविकरण अवधी यही मार्च १५ सम्मको समयावधी तोकिएको छ ।
निवर्तमान अध्यक्ष, पूर्व अध्यक्ष, बोर्डका पदाधिकारी, संयोजकहरु तथा जेसीज सदस्हरु उपस्थित तथा महासचिव गजुहाङ योङहाङले संचालन गरेको बैठक अध्यक्षद्धारा धन्यवाद ज्ञापन गर्दै समापन गरेका थिए ।
