बुधबारे जेसिजले स्थानीय संघ संस्थामा आवद्ध महिलाहरुको नेतृत्व विकासका लागि एक दिवसिय हामी नेतृत्व गर्छौ (We Lead) तालिम सम्पन्न गरेको छ ।
यहि असार ६ गते सम्पन्न सो तालिममा बुद्धशान्तिका एक दर्जन बढी महिला संघ संस्था तथा समूहका तर्फबाट १०० जनाको सहभागिता रहेको थियो ।
बुधबारे जेसिजका वर्ष २०२३ का कार्यकारिणी उपाध्यक्ष जेसी विनोद रिजालको संयोजनमा आयोजना भएको तालिमको सहजीकरण नेपाल जेसीजकी कार्यकारिणी उपाध्यक्ष जेसी रजनी थापाले गरेकी थिइन ।
बुधबारे जसीजका वर्ष २०२३ का अध्यक्ष अर्जुन ढकालको अध्यक्षतामा आयोजना भएको तालिममा बुद्धशान्ति गाउँपालिकाकी कार्यपालिका सदस्य तुलसा खतिवडाको प्रमुख आतिथ्य तथा महिला चेम्बर बुद्धशान्तिकी अध्यक्ष देव कुमारी श्रेर्माको विषेश आतिथ्य रहेको थियो ।
बुधबारे जेसीजका वर्ष २०२३ का स्वास्थ्य संयोजक जेसी दुर्योधन सिंह राजपुत (देव) ले जेसीज आस्था बाचन तथा कार्यक्रम संयोजकले स्वागत गरेको कार्यक्रममा बुधबारे जेसीजका निवर्तमान अध्यक्ष जेसीआई सिनेटर मुकेश भट्टराई, पूर्व अध्यक्षहरु जेसी सेमन्त पोखरेत र जेसी नन्दकुमार याफ्फु राई लगायत वर्ष २०२३ का बोडका पदाधिकारीहरुको उपस्थिती रहेको थियो ।
बुद्धशान्ति ३ स्थित चखेवा होटलमा सम्पन्न कार्यक्रमको संचालन बुधबारे जेसीज वर्ष २०२३ का महासचिव जेसी कुशल अधिकारीले गरेका थिए ।
